Welsapar A. Egri gylyç: roman

Stockholm: Gün neşirýaty, 2005 – 124 s.Egri gylyç romanynyň baş gahrymany – Sertip. Ol gahrymançylyga ymtylýan adam däl, ýönekeý oba mugallymy. Onuň töweregindäkilerden ýeke-täk tapawudy – bilesigelijiligi, öz ýurdunda bolup geçýän täzelikler bilen gyzyklanýandygy.
Bilesigelijilik, durmuş aktiwligi Sertibi käte gülkünç ýagdaýa salsa, käte gussaly wakalara duçar edýär.
Eseriň beýleki gahrymanlary – Umyt, Miwe, Ussa Haýty, Medet, Orazbibi, Oguloraz dagylar-da türkmen obalarynyň islendiginde öňüňden çykyp biljek adamlar. Ýöne, kim bilýär, belki-de olar diňe Çöňür obasynda ýaşaýandyrlar? Muny, goý, okyjynyň özi çözsün!
Bu romanyň birinji bölümi 1991-nji ýylda Ýaşlyk žurnalynda senzura tarapyndan ep-esli gysgaldylan, parçalanan görnüşde çap edilse-de, dowamy doly gadagan edildi. Şol sebäpden-de doly görnüşinde bu eser türkmen okyjylaryna ilkinji gezek ýetirilýär.