Aşgabat: Türkmenistan neşirýaty, 1980.
Çapa taýýarlanlar: Ata Gowşudow, Mäti Kösäýew.
Redaktor: Durdy Haldurdy.
Sözbaşy
«Türkmen halky Göroglynyň üsti bilen özüni talap, gul etmek islän ähli şalar, hanlar hem beýlekiler bilen söweşde arkadagy— hemaýatçysy, goragçysy bolan gahrymanyň obrazyny döredipdir. Görogly halk bilen berk baglydyr, halk bilen Göroglynyň arasyny üzmek mümkin däl».
Gündogarşynas alym Ý. E. Bertels'iň Görogly barada aýdan bu sözleri örän ýerlikli. Keseki ýurt basybalyjylaryň garşysyna gaýduwsyz göreşýän halk üçin elmydama parasatlylyk bilen ýolbaşçlyk eder ýaly, her bir tarapdan gözli, ukyply hem öz şahsy hereketleri bilen görelde bolup bilýän ýolbaşçy—serdar zerur bolupdyr. Türkmen halkynyň arasynda giňden ýaýran «Baş bolmasa, göwre läş» diýen parasatly nakyl ençeme wakalaryň netijesinde döräpdir.
ÝUNESKO-nyň maddy däl medeni mirasy goramak baradaky komitetiniň Namibiýada geçýän mejlisinde (24.12.2015), Türkmenistanyň haýyşy boýunça “Görogly” dessany hem adamzadyň maddy däl medeni mirasynyň sanawyna girizildi.
ÝUNESKO-nyň metbugat-relizinde aýdylmagyna görä, “Görogly” eposy rowaýaty gahryman Göroglynyň we onuň kyrk ýigidiniň gahrymançylyklaryny beýan edýän dilden aýdylan hekaýalar dessury bolup durýar. Bu dessur Türkmenistanda dessançy bagşylaryň tagallasy bilen şu günlere gelip ýetipdir.