Магтымгулы Пырагы. Багышла Бизни

Чап эдилмедик гошгулар. — Ашгабат, 1990.Дүзүҗилер: Б.Җүтдиев, А.Мүлкаманов.
Бейик Магтымгулының түркмениң акылына, аңына, эдеп-экрамына, сынмаз рухуна өврүлип гиден дөредиҗилик мирасы хут дурмушың өзи ялы көптараплы, ол мүдими дерялар кимин бакылыга тарап акып ятыр. Йөне гынанчлы ери халк көпчүлигине — хорматлы окыҗылара шол көптараплы шыгыр дүнйәси долулыгына гөркезилмән гелинди, онуң бир бөлеги узак вагтың довамында ил-гүнден яшырын сакланылды.
Сталинизмиц “аҗал шири ялы гернип дуран” сыясаты, дургунлык йылларының идеология бабатда йөреден сыясатының даргалыплылыгы, көпленч рет этмек, гадаган этмек усулына гүйч берилмеги көп-көп эдеби ядыгәрликлери хем гара тутының аңырсына ташлады. Үйтгедип гурмак сыясаты бу гүн демократия, аянлыга, ач-ачанлыга гиң ёл ачды. Шейлеликде, халкың генҗи-хазынасыны хак эесине гайтарып бермәге мүмкинчилик дөреди.