Кадирова Э. (отв. ред.) Татарское языкознание в контексте Евразийской гуманитарной науки

Сборник материалов II Международной научно-практической конференции (Казань, 21–24 ноября 2019 г.). — под ред. Г. Галиуллиной. — Казань: Издательство Казанского университета, 2019. — 344 с.Евразия гуманитар фәннәре контекстында татар теле белеме.Татар теле белеме – гаять бай тарихка ия булган, берничә гасыр дәвамында формалашкан һәм киңкырлы үсешкә ирешкән фәнни юнәлеш. Аның башлангычы Казан император университетында барлыкка килгән һәм бүгенге көндә 200 еллык тарихы булган Казан тюркология мәктәбенә барып тоташа. Әлеге фәнни мәктәп кысасында Каюм Насыйри, Әхмәтһади Мәкъсуди, Галимҗан Ибраһимов, Җамал Вәлиди һәм башка күренекле тел белгечләре үсеп чыга. Аларның хезмәтләрендә формалашкан фәнни карашлар соңрак ХХ гасыр татар теле белеме фәненең нигез ташы булып торалар. Узган гасырның урталарына инде татар теле белеме фәненең грамматика, тел тарихы, ономастика, стилистика, лингвометодика тармаклары зур үсешкә ирешә, телнең төрле катламнарын функциональ һәм структур яктан өйрәнү системалы һәм комплекслы характер ала. Тел белеменең төрле тармаклары буенча фәнни мәктәпләр формалаша һәм татар фәнендә генә түгел, төрки дөньяда таныла башлый. Әлеге фәнни мәктәпләрнең күренекле вәкилләре хезмәтләрендә яктыртылган мәсьәләләр алга таба да татар теле белеменең үсеш юнәлешләрен билгеләп, тагын да киңрәк эзләнүләргә юл ача.